EN
Artıq Azərbaycanda ənənə halını almış Milli Kitab Sərgisi V dəfə Bakıda - bu dəfə daha fərqli məkanda və fərqli formatda oxucularla görüşə gəlir! Bu dəfəki sərgi gözümüzün işığı, Bakının yaraşığı, şəhərlər şəhəri İçərişəhərdə, 27 May - 4 İyun tarixlərində keçiriləcək!
Dünyaca məşhur yazarlardan Con Boyn, Mark Leci, Sarah Jio, Ahmet Ümit və Güzel Yaxinanın da V Milli Kitab Sərgisi çərçivəsində azərbaycanlı oxucuları ilə görüşü baş tutacaq.
Sərgidə Azərbaycan, Türk, Rus, İngilis dilərində 70000-dən çox kitab 70%-dək yüksək endirimlə satışa təqdim olunacaq!
V Milli Kitab Sərgisində (MKS V) yerli nəşriyyatlar, kitabçılar, ikinci əl kitabların satıcıları, bukinistlər, öz kitablarının satışını həyata keçirən müəlliflər iştırak edəcək. Bundan əlacə, müxtəlif sənət əsərləri, handmade-lər, sənətkarların hazırladığı müxtəlif əl işləri satışa təqdim olunacaq.
Tədbir çərçivəsində hər gün müxtəlif musiqili proqramlar, yerli və xarici yazarlarla görüş saatları, uşaqlar üçün bir-birindən maraqlı və əyləncəli master-klaslar sizi gözləyir!
Bundan əlavə, V Milli Kitab Sərgisində görəcəkləriniz:
-Endirimli kitablar
-Poeziya axşamları
-Kitab təqdimatları
-Panel müzakirələri
-Xarici müəlliflər
-Nağıl oxu saatları
-İmza günləri
-Handmade
V Milli Kitab Sərgisi 27 May - 4 İyun 2023 tarixlərində, saat 09:00 - 20:00 aralığında bütün qonaqlara açıq olacaq.
Qonaqlar üçün giriş sərbəstdir, ödəniş və qeydiyyat tələb olunmur.
