Alov sütunu

İngiltərə. XVI əsrin ortaları. Ölkəni bitib-tükənməyən sülalə çəkişmələri nəticəsində yoxsullaşdıran və məhrumiyyətlərə düçar edən bir dövrdə taxt-taca sahib çıxan, lakin daha sonra İngiltərəni Avropanın ən böyük gücünə çevirən Kraliça I Yelizavetanın hakimiyyətə gəldiyi ilk dövrlər. Amma hələ ki Yelizavetanın “qızıl dövrü” çox uzaqdadır. Demək olar ki, bütün Avropa ölkələri bu gənc protestant monarx xanımın əleyhinədir, xüsusilə də katolik Mariya Stüartı İngiltərə taxtına oturtmaq istəyən Fransa. Roman belə çətin dövrü və soyuq şimal şəhəri Kinqzbricdə yaşayan iki gəncin sevgi hekayəsi ətrafında baş verən dramatik hadisələri təsvir edir.