EN
İş dəftərində tikinti, tullantı, plastik və metal konstruksiyalarla işləmək, fantaziyalarınızı, məntiqi təxəyyülünüzü inkişaf etdirmək üçün işlər təklif edilir. İş dəftəri uşaqları əməyə və gələcək peşə yönəmlərinə hazırlamaq məqsədi ilə tərtib edilir. Vəsait uşaqlar, valideynlər və pedaqoqlar üçün nəzərdə tutulub.
Əziz dost!
Qarşındakı bu iş dəftəri qurmaq, yaratmaq
bacarıqlarını inkişaf etdirmək üçün nəzərdə tutulub.
Sən burada metal konstruksiyalar, tikinti və tullantı materialları ilə işləmək bacarıqlarına
yiyələnəcəksən.
İşləyərkən aşağıdakıları unutma:
– müstəqil şəkildə özün üçün iş yeri və qurub-yaratmaq
üçün lazım olan alətləri hazırlamağı öyrən;
– tikinti materiallarını, konstruktor detallarını qurmaq,
yaxud düzəltmək istədiyin əşyaya uyğun seç;
– konstruktor fiqurları yığarkən detalları birləşdirməyin
ardıcıllığına diqqət yetir;
– tullantı materialları ilə görəcəyin işləri nümunələrə
uyğun hazırla;
– qeyri-adi əşyalar, fiqurlar hazırlamağı fikirləş,
fantaziyalarını inkişaf etdir;
– işlərini görüb qurtardıqdan sonra iş yerini səliqəyə
salmağı unutma.
Bütün bunları mənimsəməkdə sənə pedaqoqlar
və valideynlərin yardım edəcəklər.
Uğur olsun!