Balaca Şahzadə

XX əsrin ən məşhur və ən çox sevilən əsərlərindən biri – Antuan dö Sent-Ekzüperinin “Balaca Şahzadə” hekayəsindəki bədii təsvir və obrazlar Klaudiya Bordinin illüstrasiyaları ilə bu kitabda yenidən canlandırılıb. Rənglərə aşiq, istedadlı italiyalı rəssam Klaudiya Bordin kainatı kəşf etmək üçün yola çıxan qəhrəmanın xəyali səyahətini ustalıqla təsvir edir və əbədi klassikaya çevrilmiş hekayənin bütün sehrini oxucusuna çatdırır. Beş il ibtidai məktəbdə rəsm müəllimi işləyən, uşaqların maraq və baxış bucağına yaxından bələd olan rəssamın özünəməxsus kreativliyi və fantaziyası ilə çəkdiyi illüstrasiyalar oxucuların marağına səbəb olur.