Buqələmun zərbəsi

Rəngli paltarları hamımız sevirik. Çünki paltarlarımızın rəngi özündə bizim daxili dünyamızı əks etdirir, həm də bizi görənlərin əhvalına təsir edir. Al-əlvan rənglər göz-könül oxşayır, qaramat rənglər isə əksinə... Bəs, ümumiyyətlə, rəngsiz, şəffaf, ətrafın rənglərini özündə əks edən paltarımız olsa, necə? Professor Almas Aydınlı məhz belə bir “buqələmun” paltar hazırlayaraq elm dünyasında çevriliş yarada biləcək bir ixtira edib. Amma bu paltarı ələ keçirmək istəyənlər çoxdur. Əgər paltar lazım olmayan əllərə düşsə, bu, böyük faciələrə də gətirib çıxara bilər! Ona görə Almas Aydınlının həyatı tədqiqat apardığı Afrikada təhlükədədir, ailəsinin həyatı isə Bakıda. Köməyə isə o çatır: xəfiyyə Barbaros! Əziz dostlar, Murad və xəfiyyə Barbarosla təhlükəli və həyəcanlı macəralara hazır olun!