Cənnət

“New York Times” reytinqində bir nömrəli bestsellerin müəllifi Cudit Maknaut növbəti gözəl romanı ilə oxucularının görüşünə gəlib. Gənclik ehtirası, ailə dəyərləri, dərin emosional hisslər keçmiş sevgililəri yenidən, tamam başqa mühitdə bir araya gətirir, onlara ikinci dəfə şans verir. Əsərin qəhrəmanları sarışın gözəl Meredit Bənkroft və cazibədar, diribaş maqnat Metyu Farreldir. Xəyanət və fitnələrin qurbanı olan iki gənc keçmiş münasibətlərini nifrətlə yad edir. Lakin Bənkroftlar ailəsinin səltənəti başqa korporasiya tərəfindən udulmaq təhlükəsi qarşısında qalanda Meredit Metyunun qapısını döyməyə məcbur olur. Aralarındakı münaqişə yenidən baş qaldırır, onu səngitmək cəhdləri isə qəhrəmanların keçmiş romantik hisslərini oyadır. Yenidən tərəddüd, məyusluq, narahatlıq girdabına..., nəhayət, eşqə düşürlər. Cudit Maknaut dərin, çılğın, romantik hisslərlə, incə duyğularla dolu təsvirləri ilə “Cənnət”ə öz möhürünü vurub. Şübhəsiz ki, bu, müəllifin əsas üstünlüyüdür. Nəticədə əsər çox yaddaqalan eşq hekayəsinə, əbədi bir xəzinəyə çevrilib.