Cəsarət çağırır

Fərqinə varsaq da, varmasaq da, həyat bizə daim çağırışlar edir. Bunlar daxildən gələn səs, fikir, ideya və ya düşdüyümüz şəraitdə müəyyən əməl kimi təzahür edir. Bizim kimliyimizi və cəmiyyətdə mövqeyimizi bu çağırışlara necə cavab verdiyimiz müəyyənləşdirir. Düzgün cavab isə həmişə cəsarət tələb edir. Çünki doğruları bilsək də, onları reallaşdırmaq risk və qorxu ilə üzləşməyə hazır olmağı tələb edir. Cəsarətimiz olmadan səmimiyyət, ədalət, xeyirxahlıq kimi xüsusiyyətlərimiz özünü göstərə bilməz. Qorxusuz insan yoxdur, amma cəsurlar qorxunu yenib cilovlamağı bacarırlar. Onsuz qəhrəmanlıq mümkün deyil. İnsanlığın
mağaradan çıxıb sivilizasiyaya qədər yüksəlməsi də məhz cəsarətin nəticəsidir – o olmasaydı, yeni torpaqlar kəşfolunmaz, yeni ixtiralar gerçəkləşməzdi.