Daxili inkişaf naviqatoru

Kitabın ilk səhifələrində müəllif oxucuların kitabını belə təqdim edir: “Artıq on altı ildir ki, özüm üçün arzu etdiyim “İlin planlaşdırılması” kitabını yaradıram. Bu illər ərzində o, mənim üçün “Daxili inkişaf naviqatoru” olub. Əvvəllər o, cəmi on sualdan və beş arzudan ibarət idi. Amma hər il mən böyüyür, müdrikləşir, yeni biliklər, bacarıqlar və təcrübə ilə zənginləşirəm və mənimlə 108 arzu birlikdə bu dəftərdə böyüyür. Bu gün o, sehrli bir rəqəmi özündə birləşdirir – 108 arzu və çoxlu suallar, hansı ki, hər biri insanın öz daxilinə daha dərindən baxmasına kömək edir. İlk illərdə Yeni ilin vizualizasiyasına həsr etdiyim təlimin iştirakçıları onu mənimlə bərabər həm də özləri üçün doldururdular. Bu gün isə mən onu ilk dəfə elə bir formata gətirdim ki, istənilən insan istənilən gündə kitabı açaraq bir il geriyə baxa, bir il irəliyə addımlaya və həyatına yeni istiqamət verə bilsin. Bu, həm özün üçün, həm də doğum gününün ərəfəsində yaxınlarına ediləcək ən dəyərli hədiyyədir – çünki məhz bu zaman insanlar ötən ilin nəticələrini götür-qoy edir və yeni arzulara yol açırlar.”