Dəlinin gündəliyi

Kiçik dəftərxana məmuru öz müdirinin qızına vurulur. Lakin nə məmur normal məmurdur, nə hissləri normal hisslərdir. O, getdikcə sərsəmləyir və dəliliyin dərinliklərinə enməyə
başlayır. Oxucu bütün bu prosesləri onun öz dilindən “eşidir”. Çünki əsər əslində bir gündəlikdir. Dəlinin gündəliyi. O, gah itlə danışır, gah özünü İspaniyanın kralı zənn edir, gah da gündəliyə “43 aprel 2000-ci il” kimi absurd tarix qoyur. Qeydlərin sonunda onun ağlı tamam qarışır və sözlərin məntiqi əlaqəsi itir. Beləliklə, biz kiçik bir məmurun əslində dəli
olma prosesinin canlı şahidinə çevrilirik.