Ən kədərli sevinc

XX əsr dünya poeziyasının ən təsirli səslərindən biri olan Federiko Qarsia Lorkanın şeirləri sevginin Ülviyyətini, həyatın kövrəkliyini, ölümün sirrini və insan ruhunun dərin qatlarını bənzərsiz lirizm və simvollarla ifadə edir. Əndəlüs mədəniyyətinin işığı, xalq nəğmələrinin hüznü onun misralarında yenidən həyat qazanır. Onun poeziyası həm gözəlliyin, həm də ağrının eyni anda yaşandığı sirli bir aləmdir. "Ən kədərli sevinc şair olmaqdır" deyən Lorka, yəqin ki, 38 illik qısa ömründə şair olmaq sevincinin bütün çalarlarını yaşamağa, duymağa macal tapdı. Bu kitab Lorkanın bütün şeirlərini bir araya gətirərək oxucunu onun duyğularla, nəğmələrlə yoğurulmuş poetik dünyasına dəvət edir. Dilimizə ilk dəfə tərcümə edilən bu şeirlər zaman sərhədlərini aşan böyük poeziyanın nəfəsidir.