Ənəl-Həqq

Həllac Mənsur bir çox fəlsəfi cərəyana və inanc sisteminə ciddi təsir göstərmiş müstəsna şəxsiyyətdir. Yaşadığımız çağda onun fikirlərini anlamaq mənliyimizin həqiqətlə bütünləşməsi cəhətindən böyük əhəmiyyət daşıyır. Çünki günümüzün kapitalist sistemi insanın qəlbi ilə ağlı arasındakı əlaqəni, demək olar, yox dərəcəsinə çatdırıb. Yaradılış həqiqətindən uzaq qalan insan isə nə qəlbini, nə də ağlını tanıyar. Bu baxımdan Həllac kimi həqiqət bələdçilərinin fikirlərini yaxşı araşdırmaq və dərk etmək bizə mənəvi və fikri baxımdan çox şey qazandırar.