Gəncəli müdrik

Mirzə Şəfi Vazeh mədəniyyət tariximizin ən əhəmiyyətli simalarından biridir. O, gözəl şair, orijinal mütəfəkkir, yorulmaz maarifçi və bacarıqlı pedaqoq idi. Təkcə universal yaradıcılığı və fəaliyyəti ilə deyil, həm də mübarizə dolu həyatı ilə daim maraq dairəsindədir. “Gəncəli müdrik” böyük Mirzə Şəfi haqqında yazılmış ən dəyərli romanlardan biridir. Eyni zamanda, müəllifin bu səpkili əsərləri arasında layiqli yerlərdən birini tutur. Müəllif burada həm də əsl sənətkar taleyinin modelini yaratmağa çalışıb.