Görüntülər

“Görüntülər” İbn Sinanın irfan mövzusunda yazdığı ən dəyərli və nadir əsərlərindəndir. İrfan, kəramətlər, möcüzələr, qeybi xəbərlər, sehr, göz dəyməsi, mələklərin nazil olması, mənəvi seyr, qeybi aləmlər, yuxular, vəhy, mükaşifələr və onların xüsusiyyətləri kimi bir çox dəyərli mövzularla əlaqədar qaranlıq nöqtələr məhz bu əsərdə öz həllini tapacaqdır. İbn Sina bu kitabda ariflərə nisbət verilən uzun müddət ac-susuz qalmaq, qeybdən xəbər vermək, ətraf əşyalarda təsərrüf etmək kimi qeyri-adi xüsusiyyətləri elmi və əqli dəlillərlə isbat edir. Mövzu ilə əlaqədar maraqlı faktları ortaya qoyur. Bununla da ariflərə nisbət verilən bütün bu işlərin xurafat olmadığını bildirmək istəyir.