Hər yerdə oyun

Oyun, sizcə, nədir? Müəllifin fikrincə, oyun elə bir vasitədir ki, uşaqların təcrübə yolu ilə öyrənməsinə dəstək verir. Oyun adlanan fəaliyyətlərin bir çoxu, əslində, zehnin inkişafına imkan yaradır. Təkcə zehnin inkişafı yox, oyun vasitəsilə koqnitiv, motorik, emosional, sosial, cinsi, əxlaqi inkişaf da reallaşır. Çünki oyun oynamaqla uşaqlar fərqləndirməyi, düzgün davranışları, ətrafdakı əşyaları kəşf etməyi, araşdırmağı, özlərini ifadə etməyi öyrənirlər. Bu kitabın köməyi ilə hər yerdə: bağçada, məktəbdə, evdə, açıq və qapalı bütün məkanlarda oynaya biləcəyiniz oyunlarla tanış ola bilərsiniz. Üstəlik uşaqlar, kitabdakı oyunları böyüklərsiz də oynaya bilsinlər deyə müəllif oyunların qaydalarını sadə dillə çatdırmağa xüsusilə diqqət yetirib. Oyunların rəngli dünyasına uşaqlarla birgə səyahət etməyə hazırsınız?