EN
Çağdaş dövrdə loqotip, firma nişanı, emblem və s. kimi ilk baxışda qarışıq salınan, lakin həqiqətdə bir-birilərindən fərqli mahiyyətə malik ifadələrə tez-tez rast gəlirik. Bu mövzuda internetdə, saytlarda və müxtəlif mənbələrdə aparılan araşdırmaların nəticəsində bir çox suallar ortaya çıxır: Dizaynerlərin şirkətin tanınmasında nə kimi rolu var və onlar bunun üçün nələrdən istifadə edirlər? Loqotip, firma nişanları və ya digərlərinin özünəməxsus fərqləri nədən ibarətdir? Marka siması nədir? Hansı şirkətlər brend sayılır? Bəs şirkətin loqosu, istifadə etdiyi yazı, təsvir, rəng, qablaşdırılması və s.-nin digər şirkət və ya insanlar tərəfindən mənimsənilməməsi üçün hansı qanuni yollarla qoruna bilər?
“Loqo dünyası” ilə bağlı sadalanan bütün sualların cavablandırılmasında bu metodik vəsait dizayn ixtisası üzrə təhsil alan tələbələrin, dizaynerlərin və hətta dizayna marağı olan insanların məlumatlandırılmasında xüsusi əhəmiyyət kəsb edəcək, nəinki loqolar haqqında, eyni zamanda dizayn sahəsinə aid əldə edəcəkləri geniş biliklər, illüstrativ materiallar sayəsində loqolar üçün kreativ ideyaların yaranmasında kömək olacaqdır.
Kitabda oxucular loqotip və firma nişanı ilə bərabər, qarışıq nişan, emblem haqqında da məlumatlara yiyələnməklə yanaşı, tanınmış şirkətlərin nümunələri əsasında onların yaradılması üsulları, incə detalları və tarixi ilə tanış olacaqlar