Sönən səslər

Bu, Ramiz Qaralovun sayca ikinci hekayələr toplusudur. İki dildə yazan müəllifin əsərləri həm Azərbaycanda, həm də xaricdə – amerikan jurnalı “BULL”da və “Experimental Fiction” antologiyasında nəşr edilib. “Sönən səslər” ən yeni dövrün şərtlərində subyektivliyin müxtəlif formalarını və seçim mexanizmlərini araşdıran bir kitabdır. Kitabdakı hekayələr və “Metaxron-2154” povesti fəlsəfi anti-utopiya ilə sosial refleksiyanı qroteks poetika müstəvisində birləşdirir. Burada azadlıq illüziyası təkrarlanan ssenarilər sistemi kimi qarşımızda dayanır; texnoloji tərəqqi bərabərsizliyin yeni konfiqurasiyalarını üzə çıxarır, rasional nəzarət modelləri isə insan varlığının fundamental gözlənilməzliyi ilə toqquşur. Bu kitab ədəbiyyatı hələ də tənqidi düşüncə üçün bir məkan və müasir dünyanın transformasiyalarını diqqətlə izləməyin yolu kimi görən oxucular üçün nəzərdə tutulub.