Tanımadığımız Konfutsi

Fəlsəfə tarixinin ən məşhur simalarından olan Konfutsinin təlimi və şəxsiyyəti barədə xəsis (və çox zaman yanlış) dərslik məlumatlarından dolayı şüurlarda Böyük Müəllimin tamamilə qeyri-adekvat obrazı formalaşmışdır: pedant, quru ritualçı, hökmdara it sədaqəti nümayiş etdirən və böyüklər qarşısında mənəvi köləlik boyunduruğunu təbliğ edən bir adam kimi.

Müəllif Konfutsinin mətnlərinin kontekstlərini bərpa edərək bu qədim filosofun əslində nə demək istədiklərini oxucuya anlatmağa çalışmışdır. Kitab “Lun Yü” mətninə paralel olaraq 20 fəsildən ibarətdir. Üz qabığı və dizayn Ruhulla Həsənzadənindir.

Müəllif barədə: Müşfiq Ötgün (Müşfiq Yarəhməd oğlu Şükürov) 1968-ci ildə anadan olmuşdur, Fəlsəfə üzrə fəlsəfə doktoru, dosentdir. AMEA Fəlsəfə İnstitutunun “Etika” şöbəsinin aparıcı elmi işisidir. Şərq fəlsəfəsi üzrə ixtisaslaşmışdır. “Siyasi idrak və mənəvi imperativ” (2004) monoqrafiyasının müəllifi, Xəlil Cübranın “Peyğəmbər” əsərinin (2009), Buddanın “Dhammapada”sının (2013) tərcüməçisidir.