Fərqli dostumuz Əmir

Gülnar birinci sinfə yeni başlayıb. İkinci gün dərsə gedəndə maraqlı mənzərə ilə qarşılaşır: onların sinfinə yeni oğlan gəlib. Ancaq Əmir adlı bu oğlan onlardan bir az fərqlənir. Çünki Əmir yeriyə bilmir, arabada gəzir. Tezliklə uşaqlar Əmirlə dostlaşırlar, hətta yuxarı sinif şagirdlərinin onu incitməyinə də icazə vermirlər. Bu mehribanlıq nəticəsində Əmir onlardan fərqli olduğunu unudur. “Fərqli dostumuz” müəllifin fiziki imkanları məhdud olan uşaqlar barədə yazdığı seriyanın birinci kitabıdır. O, uşaqlara fərqliliyin dostluq üçün maneə olmadığını, əksinə, yeni şeylər öyrənmək imkanlarının geniş olduğunu izah edir.