Lego konstruktorlar

Lego 1940-cı illərin sonundan Danimarkada istehsal olunan konstruktor oyuncağıdır. Əvvəlcə taxta hissələrdən hazırlanan legolar indi plastik hissələrdən hazırlanır. Lego bir-birinə bağlı, müxtəlif rəngli parçaların hər birinin adıdır. Bu rəngli və yığıla bilən parçalar daha böyük strukturlar yaratmaq üçün istifadə olunur.

Azərbaycanda Lego-nun rəsmi distributoru "Əli və Nino" mağazalar şəbəkəsidir. 

Lego konstruktorlar hansı yaş qrupuna uyğundur?

Leqo ilk dövrlərində 7-16 yaş aralığını hədəf alırdısa, bu gün Lego Duplo artıq 0-5 yaş arası uşaqları da əhatə edir. Müasir texnologiya sayəsində rəqəmsal dizayn üsulu ilə istehsal edilən legolar üçün heç bir yaş məhdudiyyətinin olmadığını deyə bilərik. Lego uşaqlarımıza müstəqil parçalar təklif edir və onları yaradıcılıqları ilə baş-başa buraxır. Uşaqlar lego parçaları vasitəsilə təxəyyüllərini üzə çıxarmaq üçün sərhədsiz imkanlar əldə edirlər.  Lego konstruksiya oyuncağı olduğu üçün uşaqların ölçü və məkan qavrayışını da inkişaf etdirir. Leqo ilə oynayan uşaq tikdiyi evin və ya avtomobilin tarazlığını, hissələrin harmoniyasını və ölçülərini yoxlayır. Uşaq parçalar arasında tarazlığı tapa bilmədikdə, problemi kəşf edib düzəldir və tarazlığa nəzarəti təmin edirlər. Bu proseslərlə uşağın təhlil qabiliyyəti də inkişaf edir. 0-3 yaş qrupunu nəzərə alsaq, parçaları bir araya gətirmək vəzifəsi əl-əzələ-göz koordinasiyası üçün əhəmiyyətli bir fərq yaradır. Kiçik hissələrlə hərəkət edən uşaqların incə motor bacarıqları da inkişaf edir. Bu yaş qrupunda rəngli lego parçaları var. Onlar həm də uşaqların rəngləri tanıması, fərqləndirməsi və adlandırması üçün mühüm vasitədir. Leqolar bütün yaş qruplarına müraciət etdiyi üçün ailələrin uşaqları ilə səmərəli vaxt keçirmələri üçün də bir vasitədir. Bu, uşaq-valideyn münasibətlərində etibarlı bağlılığın bir hissəsini təşkil edə bilər. Bütün bu müsbət təsirlərə görə lego illərdir oyuncaq sənayesinin vazkeçilməzlərindən biri olmuşdur. Lego konstruktorlarının diqqətəlayiq cəhətlərindən biri də odur ki, bu parçalar vasitəsilə siz hətta öz təxəyyülünüzə əsaslanan yeni, tamamilə fərqli modellər də yarada bilərsiniz. Dünyada bu addımı atmış xeyli insan vardır.   

 Leqo haqqında bilmədiklərimiz;

1. Leqonun adı Danimarka Leg Godt sözlərindən gəlir. Azərbaycanca mənası yaxşı oyunlar deməkdir.

2. İlk lego oyuncağı taxta ördək kimi hazırlanmışdır.

3. Ən böyük və ən müxtəlif lego bazarına malik ölkə Almaniyadır.

4. 1950-ci illərdə istehsal edilən lego parçası bugünkü legolarla uyğun gəlir.

5. Lego tərəfindən istehsal olunan fiqurlarda kiçik bir dəlik var və bu, ehtiyatsızlıqdan fiquru udan uşağın nəfəs alması üçün nəzərdə tutulub.

6. 2000-ci ildə Lego əsrin oyuncağı seçildi.  

Leqo konstruktorlar hissə sayları və çətinlik səviyyələri baxımından müxtəlif yaş qruplarına ayrılır. Hər bir seriyanın fərqli adı vardır. Hər bir leqo konstruktorunun fərdi model kodu var. Leqolar məhz model kodları ilə seçilir. Qutunun üzərində leqonun yaş həddi, model kodu və içindəki hissə sayı qeyd olunur.  

Leqonun hansı növləri var?

1)  Lego Duplo - ən balacalar üçün nəzərdə tutulmuşdur. Yaş həddi 0-5 yaş. Detallar iri və parlaq rənglərdə olur.

2)  Lego Classic – 4 yaşdan 99 yaşa qədər həm uşaqlara, həm də böyüklərə müxtəlif strukturlar qurmağa imkan verir. Hissə sayları 55-dən 1500-dək ola bilir.

3) Lego City - əsas mövzusu şəhərlərdir. Yaş həddi 5+ yaş. Lego City seriyasına qatar, təyyarə, gəmi, yanğınsöndürən, polis, sahil mühafizəsi, tikinti, ferma kimi bir çox mövzular daxildir.

4) Lego Technic - əsasən nəqliyyat və tikinti avadanlıqlarından ibarət seriyadır. Yaş həddi 5 – 12+ yaş. Bu seriya buldozer, kran, yük maşını, traktor, motosiklet və s. bir çox texnikanı əhatə edir. Bəzi modellərdə motor var, beləliklə hissələri motorla hərəkət etdirmək olar.

5)  Lego Creator – müxtəlif abidələr, külək dəyirmanı, müxtəlif heyvanlar, gəmi və s. kimi fərqli fiqurları özündə birləşdirən seriyadır. Yaş həddi 6+ yaş. 

6) Lego Minecraft – məşhur oyun Minecraftın konstruktor formasıdır. Oyundakı bütün personajlar və macəralar bu seriyada yer alır. Yaş həddi 6+ yaş.

7) Lego Disney– uşaqların nağıl qəhramanlarından ibarət seriyadır. Yaş həddi 4+ yaş

8) Lego Friends - Şirkətin çoxdan istifadəyə verdiyi və  4-12 yaş arası uşaqlara uyğun fərqli mövzu konseptidir. Bu seriyada dostların müxtəlif macəraları yer alır.

9) Lego Ninjago – məşhur oyun seriyasının əsasında yaradılmışdır. Personaj və macəralar oyundakı ilə eynidir. Yaş həddi 4-14 yaş.

10) Lego Harry Potter – Məşhur film və kitab olan Harri Potter seriyası və onun macəralarına əsasın yaradılmışdır. Personaj və macəralar kitabdakı ilə eynidir. Yaş həddi 7-99 yaş.

Bu seriyalar Legonun bütün seriyaları deyil. Bunlardan əlavə Leqo konstruktorların məşhur seriyalarından Lego Star Wars, Lego Speed, Lego Marvel, Super Mario, Betmen və s. kimi növləri də vardır.

Hazırladı: Lalə Rəhmanova