13-cü kottecin sirri

Bu roman sevginin xilas yox, hökmə çevrildiyi bir dünyada vicdan, sədaqət və günah arasında parçalanan insanların hekayəsidir. Burada cinayət, sədaqət və susqunluq üzərində qurulmuş bir ailə bağının iç üzü açılmaqdadır. Cinayət şəbəkəsi, gizli qərarlar... Susdurulan şahidlər və “səni qorumaq üçün” verilən ölüm hökmləri... Burada nifrət açıq düşməndir, sevgi isə səssiz cəllad. Roman kriminal bir dünyanın içində böyüdülən bir gəncin qorunma adı ilə başqalarının ölümünə şərik edilməsini əks etdirir. Burada hər sirrin bir cəsədi, hər sədaqətin bir qurbanı var. Bu dünyada ən təhlükəli silah sevgidir, çünki sevgi silaha çevriləndə təhlükəli olur! Kitab susqunluğun günah, sevginin isə bəzən amansız hökm olduğunu xatırladır. Əsərin qəhrəmanı keçmişi ilə üz-üzə qalanda anlayır ki, bəzi günahlar törədildiyi an deyil, illər sonra da vicdanın dərinliyində cəza kimi yaşayır. Keçmiş susmur, sevgi xilas etmir və hər qorunanın bir bədəli olur. Keçmişlə üzləşmək isə qaçılmazdır. Kitab son səhifəyədək oxucunu bir sualla baş-başa qoyur: Səni qoruyan əllər başqasını qoruyursa, sən nə qədər günahsızsan?