AZ
• Azərbaycan Cümhuriyyətinin xaricə tələbə göndərməkdə məqsədi nə idi?
• 102 tələbənin sonrakı taleyi necə oldu?
• Cümhuriiyət yıxıldıqdan sonrakı ağır illərdə xaricdəki tələbələrimiz hansı əzabları, məşəqqətləri yaşadılar? Kimlər həbs olundu, kimlər intihar etdi?
• Müstəqil Azərbaycandan yola salınmış gənclərdən Sovet imperiyasına qayıdanlar, qayıda bilməyənlər, qayıtmaq istəməyənlər kimlər idilər?
• Qürbət diyarlardan qayıtmayanların başına nələr gəldi?
• Vətənə dönmüş yüksək ixtisaslı mütəxəssislər öz istedad və bacarıqları ilə ölkənin yüksəlişinə necə xidmət etdilər və kommunist rejimi bu milli kadrları niyə və necə məhv etdi?
• Güllənənənlər, "dünyanın o başına" ölümə, "gedər-gəlməz"ə göndərilənlər, ailəsi dağılanlar, nəsli kəsilənlər barədə nələri bilmirik?
• Azərbaycanın azadlığı və müstəqilliyi uğrunda çarpışan hansı tələbələr şəhid oldu?
Dünyanın məşhur arxivlərinin materialları əsasında yazılmış və 15 illik zəhmətin məhsulu olan bu kitabda indiyədək heç yerdə rast gəlmədiyiniz çox maraqlı faktlarla, materiallarla qarşılaşacaq, əksəriyyəti ilk dəfə dərc olunan nadir sənədlərlə, fotoşəkillərlə tanış olacaqsınız...
