Bizi dayandırmaq olmaz 2: Niyə dünya ədalətli deyil

Yuval Noa Hararidən uşaqlar və yeniyetmələr üçün tarixə səyahət... Min illər əvvəl insanlar adi canlılar kimi təbiətlə mübarizə aparır, heyvanlar kimi yaşayır, qorxur və aclıqdan sığınacaq axtarırdılar. Onların nə telefonları vardı, nə məktəbləri, nə də şəhərləri. Qlobal istiləşmədən də xəbərləri yox idi. Ancaq zahirən zəif və müdafiəsiz görünən bu varlıqlar – biz insanlar bu gün planetimizin ən güclü canlılarına çevrilmişik. Niyə və necə? Necə oldu ki, insanlar dünyaya hökm etməyə başladılar? Biz meymunabənzər canlılardan ağıllı varlıqlara necə çevrildik? Əgər bu suallar səni düşündürürsə, deməli, “Bizi dayandırmaq
olmaz” sənin üçün əsl tapıntıdır! Dünyaşöhrətli tarixçi Yuval Noa Harari bu kitabında insanlığın böyük tarixini sadə, əyləncəli və rəngarəng şəkildə izah edir. Bu kitab təkcə faktlarla deyil, həm də illüstrasiyalar, zarafatlar və düşündürücü suallarla zəngindir. Kitabda Daş dövründən başlayaraq, insanların necə düşünməyə, danışmağa, inanmağa və əməkdaşlıq etməyə başladığını öyrənəcəksən. “Bizi dayandırmaq olmaz” sadəcə kitab deyil, bu sənin və mənim hekayəmdir.