Böyük İsgəndərlə kiçik tanışlıq

Cəmi 33 il ömür sürmüş, amma adı 2300 ildən çoxdur müəmma haləsinə bürünmüş, haqqında saysız-hesabsız rəvayətlər dolaşan, tarixçilərin hələ də araşdırdığı, öyrəndiyi, öyrənməyə və tanımağa çalışdığı mifi k bir şəxsiyyət... Antik dövr tarixini onsuz təsəvvür etmək mümkün deyil. Tarix elmi onun şan-şöhrətinə, adına, zəfərlərinə, cahanşümul fəthlərinə valeh idi. Salnaməçilər onun adından vəcdə gəlirdi. Düşmənləri onun adı gələndə qorxudan əsirdi... Bəs çox gənc yaşında üç qitənin hərbi və siyasi tarixinə damğa vurmuş, qosqoca imperiyaları yıxmış, özünə nəhəng və qüdrətli imperiya qurmuş, istər öz dövrünün, istərsə də sonrakı tarixi dövrlərin yaradıcı adamlarının ilham qaynağına çevrilmiş bu sirli və əfsanəvi şəxs kim idi? Bəxti üzünə gülmüş şahzadəmi? Misilsiz şücaəti ilə ad-san qazanmış adi döyüşçümü? Parlaq zəkaya malik dahi sərkərdəmi? Böyük iddiaları olan fi ronmu? Dünyanın kralımı? Talesiz qəhrəmanmı? Onun adı ətrafındakı mifl ər necə və niyə yaranırdı? Bütün bu suallara “Böyük İsgəndərlə kiçik tanışlıq” kitabında cavab tapacaqsınız.