Bu marketinqdir. Görməyi öyrənmədən görünmək mümkün deyil

"Bu marketinqdir" kitabı marketinq dünyasının qabaqcıl şəxsiyyətlərindən biri olan Set Qodinin müasir dövr üçün yazdığı praktik və dərin düşünməyə imkan yaradan bir bələdçidir. Müəllif bu əsərdə oxucunu kütləvi marketinq dövründən uzaqlaşdıraraq daha hədəfli, insanyönümlü, dəyər və imkan yaradan marketinq anlayışına səsləyir. Kitab təkcə məhsul və ya xidmət satmaqdan deyil, həm də insanlarda dəyişiklik yaratmaq, onlara fayda və töhfə vermək, mədəni dəyərləri zənginləşdirmək üçün vasitə olaraq marketinqdən istifadə etməkdən bəhs edir.