Ceyms Və Nəhəng Şaftalı

Ceyms Henri Trotterin valideynləri faciəli şəkildə kərgədan tərəfindən yeyiləndən sonra Ceyms iki dəhşətli xalası Spiker və Sponge ilə bir yerdə yaşamağa gedir. Ceymsin əlindən yaşlı şaftalı ağacının altına bir neçə sehrli kristallar düşənə qədər onun həyatı xalalarının yanında dözülməz olur. Bundan sonra qəribə hadisələr baş verir. Ağacın başındakı şaftalı böyüyüb, nəhayət ev boyda olur. Ceyms şaftalının içində nəhəng dostlarını – Cırcırama, Qırxayaq və Parabüzəni tapır. Şaftalı diyirlənir və möhtəşəm macəra başlayır.