Dərsimiz ailə mövzumuz uşaq tərbiyəsi

Ailədə övladın olması da imtahandır, olmaması da. Yoxluğu ona görə imtahandır ki, uşaqsız ev gülsüz bağçaya, aysız gecəyə bənzəyir. Bəlkə də, bu, o birinə baxanda daha asan sınaqdır. Varlığına gəlincə, onları cəmiyyətə yararlı vətəndaşlar kimi böyütmək dünyanın ən çətin işlərindən, başqa sözlə, sənətlərindən biridir. İstər iş yerimdə gördüklərimi, istər dostların, yaxınların suallarını, istər seminarlarda oxuduğum məruzələrdən sonra iştirakçıların dilə gətirdiyi fikirləri, istər fərdi görüşlərdə şagirdlərdə müşahidə etdiyim halları, istərsə də valideynlərin xahişlərini, xülasə, can Azərbaycanda topladığım təcrübələrimi kitab şəklində çap etdirmək qərarına gəldim.