AZ
Qoy bu kitab özündə qalmağına vəsilə olsun. Oxuduqca özünü anlayacağına niyyət edirəm! Bu kitab bir az sənsən, bir az da mən. İllərlə özüm olmaqdan qorxmuşam. Gizlənmişəm. "Camaat nə deyər?" deyə həmişə "doğru" görünməyə çalışmışam. İçimdə qışqıran "mən"i susdurub, başqalarının təqdirini qazanmaq üçün çalışmışam. Onlara görə yaşayıb, hər gün özümdən bir az daha uzaqlaşmışam. Nəhayət, bir gün içimdəki səs "bəs mən nə vaxt yaşayacağam?" deyə üsyan etdi. Bu kitab özümə verdiyim o sualın cavabıdır. Qorxduğum üçün dəyişmişdim. İndi isə dəyişmədən özümə dönmək istəyirəm. "Yaxşı insan", "yaxşı qadın", "yaxşı ana" olmaq üçün özümə etdiyim haqsızlıqları bir-bir yazdım. Sən də oxuyanda anlayacaqsan ki, bu yolu bir gəlmişik. Hər səhifədə ya susdurulmuş bir duyğunu, ya da içində basdırdığın bir arzunu görəcəksən. Cəsarətlə "bu mənəm!" deyəcəksən. Bu kitab motivasiyadan daha çox bir oyanışdır. Maskalardan azad olmaq, səhnəyə öz adı ilə çıxmaq istəyən hər kəsə çağırışdır. Əgər sən də özünü başqalarının gözündə deyil, öz gözündən görmək istəyirsənsə, bu kitab sənin üçündür.
Özündə qal! Sözündə qal! Salamat qal!