Faust

Yalnız alman ədəbiyyatının deyil, bütün dünya ədəbiyyatının şah əsərlərindən olan “Faust” da bir çox ölməz əsərlər, o cümlədən “İliada”, “İlahi komediya”, “Şahnamə”, “İskəndərnamə” kimi xalq dastan və rəvayətləri əsasında yaranmışdır. Mütəfəkkir-sənətkar Y.V.Götenin haqlı olaraq alman həyatının ensiklopediyası sayılan bu əsəri son dərəcə mürəkkəb həyati-ictimai hadisələrlə yanaşı, dərin fəlsəfi-mistik mifoloji motivləri əhatə edir. Müəllif ideal bir
cəmiyyəti öz xəyalının qüdrəti ilə qurmağa çalışmış və ölümsüz “Faust” əsərinin sonunda belə bir cəmiyyət yaratmışdır.