Hamnet

Bu roman dahi ingilis dramaturqu və şairi Vilyam Şekspirin övladının ölümündən, bu hadisənin dahi bardın həyat və yaradıcılığına təsirindən bəhs edir. Əsər məşhur faciə ustasının şəxsi faciəsini əks etdirir, amma hadisələr daha çox onun yox, ailə üzvlərinin prizmasından işıqlandırılır (romanda Şekspirin adı faktiki olaraq çəkilmir). On bir yaşlı uşağın ölümü Şekspirin ailəsində üç nəfərə: strətfordlu dramaturqun özünə, onun həyat yoldaşı Aqnesə və mərhumun əkiztayına çox ağır təsir edir, onlar bu itkini heç cür həzm edə bilmirlər və reallıq hissini elə itirirlər ki, uşağın ölümündən sonra onu axtarmağa başlayırlar. Öz əlləri ilə dəfn etdikləri tifili tapacaqlarına ümid edirlər. Nə qədər qəribə olsa da, onlardan biri məqsədinə nail olur – onu tapır və bu tapıntı əsrlərdir ki, bəşəriyyətin zövqünü oxşayır.