Herion və Gizli Güc

Əhvalat beş yaşlı Hüseynin güclü olmaq arzusu ilə başlayır. Bağçadakı qarşıdurmalar və etibarsız dostlar onun istəyini daha da artırır. Bu arzu Hüseyni fantastik bir dünyaya aparır. Burada o, arzuladığı gücə qovuşaraq qəhrəman Heriona çevrilir. Lakin sevinməyə macal tapmamış özünü və bütün dünyanı təhdid edən qaranlıq qüvvələrlə qarşılaşır. Görəsən, əldə etdiyi qeyri-adi bacarıqlar gözəgörünməz cadugərə qalib gəlməsinə kömək edəcəkmi? Bəs bu təhlükəli macərada kimlər ona yoldaşlıq edəcək? Hər şey balaca qəhrəmanımızın əzmkarlığından, bir də indiyədək fərqinə varmadığı istedadlarını kəşf etməsindən asılıdır.