İranda Azərbaycan məsələsi

Monoqrafiyada XX əsrin 60–70-ci illərində Cənubi Azərbaycanın sosial-iqtisadi və siyasi vəziyyəti araşdırılır. Ağ inqilab deyilən islahatların iqtisadiyyata, sosial həyata, demoqrafik duruma gətirdiyi dəyişikliklər, bu dəyişikliklərin 1979-cu il İslam inqilabı ilə nəticələnməsi sürəci təhlil edilir. Cənubi Azərbaycanın ölkə iqtisadiyyatı, sosial-demoqrafik strukturda yeri rəsmi statistik materiallar əsasında izlənilir. Bu ölkədə Azərbaycan/Türk məsələsinin bugünkü durumunu anlamaq üçün 1960–70-ci illərdəki proseslərin özəlliklərini nəzərə al-
maq gərəkdir. Mütəxəssislər və geniş oxucu kütləsi üçün nəzərdə tutulmuşdur.