İşıqlar sönəndə

Şəms üçün dünya yalnız televizorun içindəki cizgi filmlərindən ibarət idi. Amma bir gün gözlənilmədən işıqlar sönür və o, "sevimli" dostlarından ayrı düşür. Televizor susur, telefonda da internet yoxdur. Bəs indi Şəms nə edəcək? Elə bu vaxt çoxdandır rəfində səssizcə dayanan kitablar birdən dilə gəlib onu möhtəşəm bir səyahətə dəvət edirlər. Görəsən, Şəms bu çağırışı qəbul edib həmin səyahətə çıxacaqmı? Bu nağıl macəra ilə uşaqlar ekrandan bir addım uzaqlaşaraq oxumağın zövqünü kəşf edir və dünyagörüşlərini zənginləşdirirlər.