Koralina

Real dünyada daim məşğul görünən valideynləri Koralinanı çox sevsələr də, ona yetərincə vaxt ayırmırlar. Buna görə də qızcığaz darıxaraq özü üçün macəra axtarışına çıxır və başqa bir aləmə – paralel dünyaya düşür. Olduqca şirnikləndirici təsir bağışlayan həmin aləmdə Koralina düyməgözlü cadugər ananın tələsində çətin sınaqlarla üz-üzə qalır. Qondarma ana ona həmişəlik orada qalmağı təklif edir, lakin bundan ötrü qızın da gözlərinin yerinə düymələr tikilməlidir. Koralina bundan imtina edir, ona yardımçı olan pişiyin və gözmuncuğu olan dəlikli daşın köməkliyi ilə bütün çətinliklərə sinə gərərək özünü və ifritənin əsarətinə düşmüş valideynləri ilə üç kabus uşağı xilas etməyə çalışır... “Koralina” Nil Geymanın uşaq və yeniyetmələr üçün nəzərdə tutulmuş ən məşhur əsərlərindəndir.