AZ
İlk dəfə 2001-ci ildə olmaqla bir neçə dəfə təkrar nəşr edilən “Mafiya şahid saxlamır” salnaməsi Sabir Şahtaxtının oxucularla ilk görüşü olub. Həyatın mürəkkəb və ziddiyyətli hadisələri, ömrün təzadları, insan münasibətlərinin məhdudsuzluğu, müxtəlif insan xislətləri və xarakterləri salnamədə oxunaqlı dildə qələmə alınmışdır və əsərin kəskin süjet və dramaturgiyasının əsasını təşkil edir.
Oxucular salnamədə şəxsiyyəti tərbiyə edən cəmiyyətin eybəcərlikləri, cinayətkar mühitin özünəməxsus və bəzən də qeyri-insani normaları daxilində yaşanılan insan taleləri ilə tanış olurlar. Müəllif salnamədə olduqca maraqlı obrazlar silsiləsi yaratmış və hər birinin özünəməxsus xarakterini bədii ustalıqla açmağa nail olmuşdur.