Marallarım

Görkəmli satira ustası Əbdürrəhim bəy Haqverdiyev öz hekayələrində yaşadığı dövrün acınacaqlı vəziyyətini, cəhalətin, xurafatın xalqı necə uçuruma sürüklədiyini yumoristik dillə aydın şəkildə göstərir. O, 1910 – 1913-cü illərdə “Molla Nəsrəddin” jurnalında “Ceyranəli” imzası ilə çap etdirdiyi “Marallarım” hekayələr silsiləsində nadanlıq və xurafata istehza edir, xalqın ruhunu, zehnini zəhərləyən təbliğatçıları kəskin tənqid atəşinə tutur.