Oğurlanmış diqqət

Yohann Harinin “Oğurlanmış diqqət” kitabı müasir dünyanın ən aktual problemlərindən biri olan diqqəti cəmləyə bilməməyi araşdırır. Müəllif texnologiya, sosial media, sürətli həyat tərzi və informasiya bolluğunun insan beyninə təsirlərini hərtərəfli tədqiq edir. O, şəxsi təcrübələrini və elmi araşdırmaları bir araya gətirərək, diqqətimizin niyə bu qədər tez yayınmağını və bunun həyatımıza, yaradıcılığımıza və düşünmə qabiliyyətimizə necə təsir etdiyini izah edir. Hari diqqət itkisini sadəcə fərdi problem kimi deyil,  strukturlaşdırılmış sistemin nəticəsi kimi təqdim edir. O, texnoloji nəhənglərin diqqətimizi manipulyasiya etmək üçün qurduğu mexanizmləri ifşa edir və bu tendensiyanın fərdi və cəmiyyət üçün yaratdığı təhlükələri vurğulayır. Bu kitab, eyni zamanda, diqqətimizi geri qaytarmaq və dərindən düşünmək bacarığımızı bərpa etmək üçün həll yolları da təklif edir. Müasir dünyada diqqətini cəmləməyə çətinlik çəkən, daima fikri yayınan və bunun səbəblərini anlamaq istəyən hər kəs üçün vacib kitabdır.