AZ
Marjina Jumati qadın sağlamlığı, ailə münasibətləri və şəxsi inkişaf sahəsində kouç, enerji praktikaları üzrə mütəxəssis, meditasiya müəllifi və yazıçıdır. İnsanlarla uzun illər davam edən işi, şəxsi təcrübələri və müşahidələri onun yanaşmasının əsasını təşkil edir.
Bu günədək müəllifin üç kitabı nəşr olunub: «Möcüzəli Addım» iş dəftəri, «Analıq A-dan Z-yə» və «Seks və Sevgi». «Seks və Sevgi» kitabı satışa çıxdıqdan qısa müddət sonra "Bestseller" statusu qazanıb və oxucuların yüksək tələbatı ilə ikinci dəfə nəşr olunub.
«Özümü seçirəm» insanın özünü daha dərindən tanıması, həyatına təsir edən ailə ssenarilərini, inanclarını, qorxularını və keçmişdən gələn yaralarını dərk etməsi üçün hazırlanmış praktik bir kitabdır. Müəllif oxucunu öz daxili dünyasına daha dürüst baxmağa, özünü məhdudlaşdıran nümunələri görməyə və kiçik, şüurlu addımlarla öz seçimini etməyə dəvət edir.
Çünki özünü seçmək yalnız özünə olan münasibəti dəyişmir. Seçimlərini, münasibətlərini və qurduğun həyatı dəyişir.
Özünü seçmək — özünü sevməkdən daha böyük bir addımdır.