Ruhlar Kitabxanası

“Xanım Pereqrinin qəribə uşaqlar üçün evi”ndən başlayan macəra “Gözəgörünməz varlıqlar şəhəri”ndə davam edir və “Ruhlar Kitabxanası”nda həyəcanlı sonluqla başa çatır. Hekayənin başlanğıcında 16 yaşlı Ceykob özünün yeni, güclü qabiliyyətini aşkar edir və öz qəribə yoldaşlarını bədheybətlərin keçilməz qalasından xilas etmək üçün təhlükəli mübarizəyə başlayır. Bu işdə Ceykobu əlində alov yarada bilən Emma Blum və qaçırılmış dostlarının iyini hiss edən it – Eddison Mak Henri müşayiət edir. Onlar müasir Londondan İngiltərənin Viktorian dövrünə aid səfil xarabalıqlarına – Şeytan diyarının dolanbac küçələrinə səyahət edirlər. Bu qorxunc məkanda qəribə uşaqların həyatı təhlükədədir. Əvvəlki kitablarda olduğu kimi, bu roman da indiyə qədər heç yerdə nəşr olunmamış, həyəcanverici fantaziyaları əks etdirən köhnə şəkillərlə oxucunu təəccübləndirir.