Satışın Qara Qutusu

Satıcılıqla hələ kiçik, təxminən 11-12 yaşlarımdan məşğul olmağa başlamışam. Satışa olan marağım, həvəsim və sevgim 2007-ci ildə məni aparıb mebel sektoruna çıxardı və peşəkar satıcılıqla da ilk dəfə bu sektorda məşğul oldum. Burada işlədiyim müddətdə satış meneceri, satış müdiri vəzifələrində çalışdım. Sonralar iş elə gətirdi ki, satış sahəsindən ayrılmalı oldum. 2009-cu ildə marketinq sahəsində fəaliyyətə başladım. Marketinq mütəxəssisi kimi fəaliyyətimə şirniyyat sektorunda rəvac verdim. Həmin ildən bu günə qədər “FMCG” gündəlik istehlak malları, şirniyyat sektorunda əvvəlcə marketinq menecer, sonralar ise brend menecer, marketinq şöbəsinin müdiri, satış müdiri, marketinq və satiş şöbəsinin müdiri vəzifələrində çalışdım. Onu da qeyd edim ki, satış sahəsində olan təcrübəm mənim bu sahədə ciddi uğurlar qazanmağımda yardımçı oldu. İşlədiyim dövr ərzində “Butam” çay, “Kreki”, “Delizia”, “Azun” şirniyyat evləri, “Bonny Cake”, “Mommy's cake“, “Boлшебный вкуc”, “Bкусняшка’, “Cладok”, “Cладена” kimi şirniyyat və çətir brendlərinin qurulmalarında birbaşa iştirak etmişəm. 2015-ci ildən bu günə qədər “Marketinq" və “Satış” mövzularında təlim və seminarlarım olmuşdur. 4 il ərzində 1200 nəfərdən çox insana marketinq və satış üzrə təlimlər keçmişəm. Nəhayət, qərara gəldim ki, bu illər ərzində qazandığım təcrübəni bir kitab halına salım və satış haqqında olan həm praktiki, həm də nəzəri məsələləri “Satışın qara qutusu” adlı bir kitabda cəmləyib, həmin kitabı bu sahənin peşəkarları ilə paylaşım. Beynəlxalq dərəcələrim: Avropa Marketing Konfederasiyası (European Marketing Confederation) — “A” dərəcəli beynəlxalq marketing peşəkarı; London Beynəlxalq Menecment Məktəbi (London School of International Management) — Məhsul menecmenti. Gündəlik və xidmət məhsullarının yaradılması üzrə peşəkar. “Markabaron” (markabaron.az) marketing platformasının təsisçisiyəm.