Seçmə şeirlər (Sabir Sarvan)

Bir-birindən gözəl, lirik şeirlər yazan unudulmaz şair Sabir Sarvan öz poetik ruhu ilə həmişə diqqət çəkib. Ədəbiyyata səksəninci illərdə gələn Sabir Sarvanın lirik qəhrəmanı sevgi, dostluq, sədaqət kimi insani keyfiyyətlərdir. Ömrünün iyirmi ilini Sumqayıt ədəbi mühiti ilə bağlayan, AYB Sumqayıt bölməsinə rəhbərlik edən Sabir Sarvan həm şeir həvəskarlarının, həm də dostlarının, yaxınlarının yaddaşında hər zaman sayğı ilə xatırlanır. Qanun Nəşriyyatının yeni layihəsi olan “Azərbaycan şairlərinin seçmə şeirləri” seriyasında təqdim etdiyimiz növbəti kitabla siz Azərbaycan şeirinin ən maraqlı nümunələri ilə baş-başa qalacaqsınız. Şeirləri şairin ömür-gün yoldaşı Zərnigar Sarvan təqdim edib.