Sirus Təbrizli. Kəramət mücahidi

Bu kitab Azərbaycanın azadlığı və istiqlaliyyəti uğrunda usanmadan mübarizə
aparan, saf və vicdanlı əməlləri ilə ad qazanan, Azərbaycan Milli Azadlıq Hərəkatının
liderlərindən, Yeni Azərbaycan Partiyasının yaradıcılarından və rəhbərlərindən biri
olan tanınmış yazıçı-publisist, görkəmli ictimai-siyasi xadim, sabiq nazir və millət
vəkili Sirus Təbrizliyə həsr olunub.
Kitabın müəllifi Azərbaycan Televiziyasının sabiq sədri, yazıçı, publisist, şair
Məmməd Murad yaxın dostu haqqında xatirələrini və Sirus Təbrizlinin sevdiyi
kəlamları oxucularla bölüşüb. Kitabda Sirus Təbrizlinin bəzi məqalələri də oxucuların
diqqətinə çatdırılıb.