Sunami

Mark Dügen “Sunami” romanı ilə Fransanın siyasi parçalanmasını izah edir və yorğun bir ölkə haqqında əxlaqdan kənar maraqlı siyasi nağıl nəql edir. Romanın qəhrəmanı getdikcə daha da çılğınlaşan Fransanı idarə edən prezidentdir. Biz bu həqiqi romanda onun zahiri görkəmdən kənardakı xaotik gündəlik həyatını kəşf çedirik və bu, həqiqətən də, valehedicidir. Onun siyasi baxışı aydındır: “insanları” evə necə gətirəcəyini bildiyi üçün onları küçələrə çıxarmaqdan çəkinmədən mümkün qədər ümumi maraqlar naminə islahatlar aparmaq. Amma onun bir çox tərəddüdləri var. Onun gələcəyi daha qeyri-müəy-
yəndir, buna görə də bizə ilk növbədə onun özünü kəşf etmək lazımdır. Yaxın gələcəkdə Fransa Respublikasının Silikon Vadisi nəhənglərinin dəstəyinə baxmayaraq, zəif, yuxusuzluqdan əziyyət çəkən gənc prezidenti konstitusiya islahatları aparmaq, kokain və ofşor hesablarla bağlı kompromatları aradan qaldırmaq üçün öz səylərini əsirgəmir. Ona kömək etmək üçün çalışqan mütəxəssisləri var və onlar da heç vaxt yatmırlar. Bütün bu insanlar heyrətamiz dərəcədə təkəbbürlüdürlər. Onlar yalnız öz imtiyazlarını qorumaq üçün yaşayırlar. Bununla belə, bəzi yerlərdə biz onların arasında hər şeyin yaxşılığa doğru dəyişməsi üçün heç nəyi dəyişmək istəməyən bu narahat xalqa empatiya bəslədiyi anları da görürük. Şübhəsiz ki, biz dağıdıcı sunaminin yaxınlaşdığını hiss edirik.