AZ
Bədii illüstrasiyalı albom Azərbaycanın Xalq rəssamı Bədurə Əfqanlının zəngin yaradıcılıq irsinə həsr olunmuşdur. “BƏDURƏ ƏFQANLI – teatr, kino, rəqs: geyim və obrazlar” kitabında sənətkarın 1933-cü ildən başlayaraq 60 ildən artıq müddətdə teatr, kino və rəqs sahələrində yaratdığı unikal obrazlar, geyim və dekorasiya eskizləri toplanmışdır.
Albomda B.Əfqanlının sənətə gəldiyi 1933-cü ildən başlayaraq 60 ildən artıq bir müddət ərzində teatr, kino və rəqs incəsənəti sahələrində yaratdığı rəngarəng və biri-birindən maraqlı obraz, geyim və dekorasiya eskizləri toplanmışdır. Tərtib edilmiş albomun ən qiymətli cəhədlərindən biri də elə ondadır ki, rəssamın yaradıcılığının inkişafı Azərbaycanda teatr, kino və rəqs sənəti sahələrinin yüksəliş dövrünə təsadüf etmişdir. Və buna görə də indiki və gələcək nəsillərin qədim və zəngin geyim mədəniyyətinə malik olan xalqımızın bu sahədiki ənənələrilə tanış olması, onu elmi və tarixi cəhətdən düzgün qavraması olduqca vacibdir. Albomda B.Əfqanlının şəxsi gündəliklərindən və qeydlərindən geniş istifadə edilmişdir. Bu qeydlərdə B.Əfqanlının tərcümeyi-halından tutmuş rəssamın teatr, kino və rəgs geyim rəssamlığına, Azərbaycanın milli geyim mədəniyyətinə olan münasibəti, bu sahənin incəlikləri və professional inkişafı haqda fikirləri geniş və müfəssəl şəkildə verilmişdir.