AZ
Wall Street Journal tərəfindən "itirilmiş sevginin hərəkətli nağılı" və Shelf Awareness tərəfindən "güclü, ürəkağrıdan hekayə" kimi vəsf edilən, həsrət, vüsal və taleyin qəribəliklərini əks etdirən roman - "Tehranda kitab dükanı"
1953-cü ildə Tehranın siyasi təlatümləri arasında yaşayan xəyalpərəst, idealist yeniyetmə Röya mehriban qonşu cənab Fəxrinin kitablarla dolu dükanında ədəbi dincliyini tapır.
Günlərin birində Fəxri bəy sevimli müştərisi Röyanı digər sevimli müştərisi – ədalətə ehtirası və Ruminin poeziyasına məhəbbəti olan yaraşıqlı Bəhmənlə tanış edir. Elə ilk görüşdən güclü məhəbbətə qapılan iki gəncin bundan sonra yeganə görüş yeri Tehrandakı bu kitab dükanı olur.
Bir neçə aydan sonra, evlilikləri ərəfəsində Röya Bəhmənlə şəhər meydanında görüşmək haqqında razılaşır. Lakin dövlət çevrilişi ölkənin və insanların gələcəyini həmişəlik dəyişdirir.
Röya həftələrlə ümidsizcəsinə onunla görüşə gəlməyən Bəhməni axtarsa da cəhdləri nəticəsiz qalır.
Beləcə, onu atıb gedən, əhdindən dönən sevgilisinin sındırdığı ürəklə o, Kaliforniyadakı kollecə daxil olur və yeni bir dünyada yeni biri ilə ailə qurur.
Lakin, ilk məhəbbət unudula bilərmi?!
Altmış ildən çox keçsə də taleyin qəzası Röyanı yenidən Bəhmənlə qarşılaşdırır və ona ürəyindəki bütün suallara cavab tapmaq imkanı bəxş edir. Yarım əsrdən artıqdır ki, onu narahat edən və taleyini dəyişən suallar:
Niyə getdin?
Hara getdin?
Necə oldu ki, məni unuda bildin?