Təkamül və Yaradılışçılıq

Maykl Şermer amerikalı tarixçi alim, həmçinin Amerika Elm və Sağlamlıq Şurasının elmi məsləhətçisidir. Bir zamanlar qatı xristian olan Şermer universitetdə oxuyarkən Tanrıya inancını itirmişdir. Aqnostizmə meyllənən Şermer özünü humanist fəlsəfənin, həmçinin əxlaq sosiologiyasının tərəfdarı kimi təsvir edir. Oxuyacağınız bu kitabın Kitabın ilk fəslində ABŞ tarixinin yaradılışçı-təkamülçü debatları təsvir olunub. Sonrakı fəsildə Şermer 25 yaradılışçı arqumentin yanlışlığını 25 fəlsəfi və elmi cavabla izah edir.Nəhayət, kitabın son bölməsi yaradılışçıların və təkamülçülərin qanun çərçivəsində mübarizəsindən bəhs edir. Elmin kütləviləşdirilməsi məqsədilə çap etdirdiyimiz bu kitab geniş oxucu kütləsi üçün nəzərdə tutulub.