Usta Zaxarius

Usta Zaxarius məşhur saatsazdır, şöhrəti nəinki Cenevrə şəhərinə, hətta Almaniya və Fransaya da yayılıb. Ömrünü peşəsinə sərf edən, günlərlə, aylarla dəzgahın başından ayrılmayan qoca saatsaz düzəltdiyi saatlara görə yerə-göyə sığmır; təkəbbür gözlərini tutub, heç nə görmür. Saatlarda yeni mexanizmi kəşf edəndən sonra hətta özünü Tanrı kimi görməyə başlayır. Ancaq bir gün onun əlindən çıxan saatlar sirli bir səbəbdən dayanmağa başlayır. Saatsaz dərin ruhi böhran keçirir, ruhu, bədəni İblis tərəfindən istila olunur. Zaxarius əlində kibr qılıncı Tanrıya savaş açır. Jül Vern Avropada dəqiq elmlərlə mənəviyyat arasında gedən ziddiyyəti yaratdığı güclü personajın içində baş verən tə­la­tüm­lər­lə, İblisin maddi şəkildə təcəssümünü yaratmaqla, ha­di­­sə­lərin baş verdiyi Cenevrə şəhərinin gözəl təsviri ilə mükəmməl şəkildə ifadə edir.