Vikinq dövrü

Siz bilirdiniz ki, Kral Heraldın 24 oğlu və bir qütb ayısı olub? Qrenlandiya bu ad insanları orada yaşamağa cəlb etmək üçün verilib? Norveçin Tröndelaq qraflığına bir müddət it rəhbərlik edib? Bəs böyük Vikinq dövlətinin sərhədlərinin Amerikaya kimi uzanmasından necə, xəbəriniz vardımı? Norveçli araşdırmaçı-yazar, rəssam, jurnalist Martin Aasın “Uşaqlar üçün Vikinq dövrü” kitabı asan, oxunaqlı dildə Avropanın böyük bir dövrünü detallarla, maraqlı faktlarla təsvir edir. Vikinq kralları, onların evləri, yaşayış tərzləri, hamının niyə onlardan bərk qorxması, onların türklərlə mübarizələri və daha neçə-neçə maraqlı fakt rəngli şəkillərlə, dialoqları və uşaqların başa düşəcəyi sadə dildə verilmişdir. Kitab Skandinaviyanın ən prestijli uşaq kitabı mükafatı olan “Brage Prize” mükafatının əsas namizədlərindən biridir.