Voll-Stritin gizli oyunları. Maliyyə gələcəyin üçün necə mübarizə aparmalısan

Artur Levit bu kitabla ABŞ-nin maliyyə nəhəngi Voll-Stritə qarşı müharibə elan edir. Kitab maliyyə sektorunun müxtəlif aspektlərini – investisiya bankçılığı, korporativ idarəetmə, səhm və istiqraz bazarı və müvafiq tənzimləmə tədbirləri kimi mövzuları əhatə edir. Əsas məqsədi oxucunu ABŞ maliyyə sisteminin daxili mexanizmləri, oyunçuları və tənzimləyici qurumları, pərdəarxası məqamları ilə tanış etməkdir. Bundan əlavə, müəllif analitiklərin, audit komitələri və Direktorlar Şurasının qiymətli kağızlar bazarında korporativ şəffaflıq və hesabatlılıq baxımından nə qədər kritik rol oynadığına xüsusi diqqət yetirir. Kitab maliyyə dünyasında şəffaflıq, hesabdarlıq və etik idarəetmənin nə dərəcədə vacib olduğunu göstərməklə yanaşı, real şəxslər və hadisələr vasitəsilə oxucuda təcrübəyə əsaslanan düşüncə formalaşdırır. Artur Levit maliyyə dünyasında baş verən bir sıra əhəmiyyətli qalmaqallar, o cümlədən, maliyyə fırıldaqları, manipulyasiya halları və qanunvericilik boşluqlarını geniş şəkildə işıqlandırır.