Yaxınlaşan dalğa

Dünyanın qabaqcıl süni intellekt şirkətlərində mühüm vəzifələrdə işləmiş Mustafa Süleymanın Maykl Baskarla birlikdə yazdığı “Yaxınlaşan dalğa” kitabı müasir dövrümüzün hələ bir çox insan tərəfindən təhlükələri və riskləri, həmçinin faydaları dərk edilməyən məsələsinə – süni intellektə həsr olunmuşdur. Müəlliflər bir çoxumuzun son onilliklərdə şahid olduğu məsələlərdən real nümunələr gətirməklə dünyanı getdikcə çənginə almaqda olan süni intellekt və sintetik biologiyanın görünməyən tərəflərini, insanlara hansı sahələrdə ehtiyacın qalıb, hansı sahələrdə qalmayacağını, günü-gündən əhatə dairəsi genişlənən,
qiyməti düşməkdə olan texnoloji vasitələrin kibertəhlükəsizlik məsələlərini, eləcə də bəşəriyyəti hansı həddə gətirib çıxaracağını göstərməyə çalışırlar. Bu kitab sadəcə elmlə maraqlananlar üçün deyil, dünyanın gələcək taleyini az da olsa, düşünən bütün insanlar üçün nəzərdə tutulmuşdur. Bizi nəyin gözlədiyi sizin üçün maraqlıdırsa, bu kitabı mütləq oxumalısınız!