Yazmaq istəməyən karandaş

Bütün karandaşlar yazmağı sevir, bircə Sarı Karandaş xanımdan başqa. O, şux və iti qalmaq, gözəl sarı cildini həmişəlik qoruyub saxlamaq istəyir. Qorxur ki, uşaqlar onunla şəkil çəksələr, getdikcə qısalar və bir gün lazımsız taxta qırıntısına çevrilər. Beləliklə, o, qaranlıq taxta rəfdə Bloknot xanımın qalın vərəqləri altında gizlənir. Lakin bir gün elə dəhşətli hadisə baş verir ki, Sarı Karandaş xanım yenidən yaza bilməsi üçün dua etməyə başlayır.